Select Page

Fréttir

Heimsbikarmóti í Koper lokið

Heimsbikarmóti í Koper lokið

maí 31, 2026 |

Heimsbikarmóti í áhaldafimleikum sem fram fór í Koper í Slóveníu lauk í dag með seinni undanúrslitadegi. Keppt var á slá og...

Allar fréttir
Tilkynna ofbeldi
Tilkynna ofbeldi
Tilkynna ofbeldi
Tilkynna ofbeldi
Tilkynna ofbeldi

Iðkendur

Þjálfarar með FSÍ leyfi

Fimleikafélög

Fimleikagreinar

Icelandair logo
craft_logo

Fimleikafólk ársins 2025

Hildur Maja Guðmundsdóttir

Fimleikakona ársins

Hildur Maja Guðmundsdóttir er ein fremsta fimleikakona landsins og þrátt fyrir ungan aldur þá hefur hún verið lykilkona í A landsliði Íslands síðastliðin ár. Hildur Maja náði bestum fjölþrautarárangri íslenskra kvenna á Evrópumótinu í Leipzig, sem og Heimsmeistaramótinu í Jakarta.

Toppaði hún sig svo á árinu þegar að hún varð fyrst Íslendinga til þess að vinna til verðlauna á heimsbikarmóti í áhaldafimleikum, þegar hún hafnaði í 2. sæti á gólfi í Tashkent, Uzbekistan. Að auki keppti hún til úrslita á tvíslá og hafnaði í 8. sæti.

Hildur Maja varð Bikarmeistari með félagsliði sínu, Gerplu á árinu og varð hún í 2. sæti á slá á Íslandsmótinu.

Fimleikasamband Íslands óskar Hildi Maju Guðmundsdóttur innilega til hamingju með titilinn Fimleikakona ársins 2025.

Dagur Kári Ólafsson

Fimleikakarl ársins

Dagur Kári Ólafsson er ungur og metnaðarfullur landsliðsmaður í áhaldafimleikum sem hefur á undanförnum árum fest sig í sessi sem einn fremsti fimleikamaður Íslands. Í ár náði Dagur Kári þeim sögulega árangri í Jakarta, Indónesíu þegar að hann varð fyrsti íslenski fimleikamaðurinn til þess að keppa í fjölþrautarúrslitum á Heimsmeistaramóti – og braut þar með blað í íslenskri fimleikasögu.

Dagur Kári var lykilmaður í landsliði Íslands á árinu, þar má helst til telja Heimsbikarmót í Króatíu og Frakklandi, Evrópumót í Þýskalandi og Heimsmeistaramót í Jakarta, Indónesíu. Dagur Kári varð Bikarmeistari með félagsliðinu sínu, Gerplu, sem og Íslandsmeistari á bogahesti og hafnaði hann í þriðja sæti í fjölþraut.

Fimleikasamband Íslands óskar Degi Kára Ólafssyni innilega til hamingju með titilinn Fimleikakarl ársins 2025.

Kvennalið Stjörnunnar

Lið ársins – Kvennalið Stjörnunnar

Kvennalið Stjörnunnar átti einstakt ár og skilaði frábærum árangri. Liðið sigraði bæði bikar- og Íslandsmót með glæsibrag og sýndi samheldni, aga og óbilandi baráttu.  

Á Norðurlandamótinu bætti liðið svo við glæsilegan árangur og hafnaði í öðru sæti. Þar skein styrkur liðsins á gólfi, 
en liðið vann gólfæfingarnar og var stigahæst allra liða á mótinu á því áhaldi.  

Fimleikasamband Íslands kvennaliði Stjörnunnar innilega til hamingju með titilinn Lið ársins 2025.