Hæfileikamótun 2023

Í hæfileikamótun eru iðkendur fæddir 2007-2011. Hæfileikamótun er fyrir iðkendur sem uppfylla lágmarkskröfur inn á hæfileikamótunaræfingar en hafa ekki enn náð lágmarkskröfum inn á úrvalshópaæfingar. Markmiðið er að skapa vettvang fyrir iðkendur til að æfa saman, læra hvor af öðrum og kynnast sem samherjar en ekki mótherjar. Áhersla er lögð á samvinnu félaga og þjálfara.

Á fyrstu æfingu ársins fengu iðkendur fræðslu, sem fjallaði um hvað er að vera í hæfileikamótun og úrvalshópum, kynningu á FSÍ, landsliðum, markmiðum og ferlinu að Evrópumóti. Slóð á glærur má finna hér. 

Þjálfarar í hæfileikamótun 2023

Eyrún Inga Sigurðardóttir
Gólfæfingar drengja

Dagskrá hæfileikamótunar 2023

Æfing 12. mars 2023:

Fyrsta æfing beggja hópa var haldin á Akranesi sunnudaginn 12. mars 2023. 

Æfing í ágúst/september 2023: 

Næsta æfing verður haldin í lok ágúst eða byrjun september, en nánari tímasetning kemur þegar nær dregur. Hér má sjá skráningu og lágmarkskröfur fyrir æfinguna: 

Skráning:

Félagsþjálfarar meta getu iðkenda sinna m.t.t. lágmarkskrafna og skrá þá iðkendur sem uppfylla lágmakrsskilyrðin á æfingum.

Lágmarkskröfur: 

Smelltu hér. 

Ath. Við biðjum þjálfara vinsamlega að virða lágmörkin. GETA ÞARF ÆFINGARNAR ÁN MÓTTÖKU Í KEPPNISHÆÐ og það þarf að geta þær núna með stöðugum hætti, ekki er nóg að hafa getað þær áður. Sýna þarf mómentin á gólfi á æfingunni og iðkendur þurfa að geta gert þau gild. 

Félagsþjálfarar eru beðnir um að fylgja iðkendum á æfingarnar og taka þátt í stöðvaþjálfun. Þeir þjálfarar sem eiga ekki iðkendur á þessu getustigi eru einnig velkomnir að koma og taka þátt í æfingunni, en æfingin er einnig miðuð að því að gefa þjálfurum tæki og tól til að nýta sér í sínu félagi.

Nánari upplýsingar um tímasetningu og dagskrá æfingar koma þegar nær dregur.