Select Page

Fréttir

Allar fréttir
Tilkynna ofbeldi
Tilkynna ofbeldi
Tilkynna ofbeldi
Tilkynna ofbeldi
Tilkynna ofbeldi

Iðkendur

Þjálfarar með FSÍ leyfi

Fimleikafélög

Fimleikagreinar

Icelandair logo
craft_logo

Fimleikafólk ársins 2024

Valgarð Reinhardsson

Fimleikakarl ársins

Fimleikakarl ársins 2024 er Valgarð Reinhardsson. Valgarð er okkar fremsti fjölþrautarkeppandi í áhaldafimleikum, hann er nú áttfaldur Íslandsmeistari auk þess að vera margfaldur bikarmeistari með félagsliði sínu Gerplu.  

Valgarð var lykilmaður í landsliði Íslands á árinu á þeim mótum sem hann keppti. Þar má hels til telja Evrópumót, Norðurlandamót og heimsbikarmót í Cottbus og Cairo. Á Evrópumóti tryggði karlaliðið sér 19.sæti sem er besti árangur sem er besti árangur sem karlalið íslands hefur náð. Á Norðurlandamóti varð einnig tímamótaárangur þegar karlaliðið varð í 3.sæti ásamt því að Valgarð tryggði sér norðulandameistaratitil á gólfi.   

Fimleikasamband Íslands óskar Valgarði Reinhardssyni innilega til hamingju með titilinn Fimleikakarl ársins 2024. 

Thelma Aðalsteinsdóttir

Fimleikakona ársins

Fimleikakona ársins 2024 er Thelma Aðalsteinsdóttir. Árangur Thelmu á árinu hefur verið stórglæsilegur þar sem hæst ber að nefna Norður Evrópumóts titla á öllum áhöldum auk þess sem Thelma varð í 2.sæti í fjölþraut og kvennaliðið í 3.sæti í liðakeppninni. Thelma er Íslandsmeitari í fjölþraut og á stökki, slá og gólfi, auk þess að vera bikarmeistari með félagsliði sínu, Gerplu. 

Thelma var fastakona í landsliði Íslands á árinu. Með liðinu varð hún Norðurlandameistari ásamt því að sigra í gólfæfingum. Á Evrópumótinu framkvæmdi Thelma nýja æfingu á tvíslánni sem er komin í dómarabókina og nefnd Aðalsteinsdóttir eftir henni. Thelma keppti einni á tveimur heimsbikarmótum þar sem hún komst í úrslit á slá, gólfi og stökki. 

Fimleikasamband Íslands óskar Thelmu Aðalsteinsdóttur innilega til hamingju með tilinn Fimleikakona ársins 2024.    

Kvennalandsliðið í hópfimleikum

Lið ársins – Kvennalandslið í hópfimleikum á Evrópumóti

Lið ársins 2024 er kvennalandslið Íslands í hópfimleikum sem gerðu sér lítið fyrir og urðu Evrópumeistarar í 4 sinn. Stelpurnar unnu bæði dýnu og gólfæfingar sem tryggði þeim sigurinn.    

Liðið var blanda af reynslumiklum fimleikakonum og ungum og upprennandi stúlkum sem verður gaman að fylgjast með í framtíðinni. Mikil samheldni var í liðinu og var það áberandi hversu þéttur og hvetjandi hópurinn var. 

Fimleikasamband Íslands óskar kvennalandsliðinu til hamingju með titilinn Lið ársins 2024