Um helgina fór fram fyrsta úrvalshópaæfing unglinga í áhaldafimleikum kvenna. Sif Pálsdóttir og Ferenc Kovats, landsliðsþjálfarar unglinga stýrðu æfingunni. Vert er að nefna að æfingin var jafnt framt fyrsta úrvalshópaæfingin undir þeirra stjórn.
Æfingin fór fram í Ármanni en mættar voru stúlkur frá átta mismunandi félögum ásamt félagsþjálfurum sínum. Heilt yfir gekk æfingin smurt og vel fyrir sig og við hjá Fimleikasambandi Íslands erum spennt fyrir komandi tímum hjá þessum flottu stúlkum.
Næstu landsliðsverkefni unglinga eru Norðurlandamót hér á Íslandi í júlí, EYOF í Slóvakíu, einnig í júlí og EM í Þýskalandi um miðjan ágúst. Sannkallað fimleikasumar í vændum.
Frekari upplýsingar um úrvalshóp unglinga í áhaldafimleikum má finna hér.