Samtök íþróttafréttamanna opinberuðu í morgun þau sem höfnuðu í efstu sætunum í kjöri á íþróttamanni ársins 2023. Thelma Aðalsteinsdóttir, áhaldafimleikakona er á listanum.

Árangur Thelmu á árinu hefur verið stór glæsilegur þar sem hæst ber að nefna Norður Evrópumóts titill á tvíslá. Thelma er Íslandsmeistari og bikarmeistari með liði sínu Gerplu. Thelma tryggði sér þátttökurétt á HM með frábæru gengi á EM í vor. Á heimsmeistaramótinu náði hún markmiðum sínum og endaði hún með 49.099 stig, sem er hennar besti fjölþrautrárangur á alþjóðlegu móti til þessa. Thelma var aðeins 0.866 frá því að tryggja sér sæti á Ólympíuleikana.

Thelma keppti til úrslita á heimsbikarmóti í haust, þar hafnaði hún í 7. sæti. Á Norður Evrópumótinu í nóvember varð hún sem fyrr segir Norður Evrópumeistari á tvíslá en hún var einnig meðlimur í kvennaliðinu sem varð aðeins 0.401 stigum frá bronsinu á Norður Evrópumótinu.

Fimleikasambandið er ákaflega stolt af Thelmu sem er að skapa sér nafn í fimleikum á heimsmælikvarða og er það umtalað í heiminum hvað glæsileikinn geislar af henni sem og jákvæðnin sem henni fylgir.

Fimleikasambandið óskar Thelmu, þjálfurum og félaginu hennar innilega til hamingju með árangurinn en er hún aðeins fjórða áhaldafimleikakonan í sögunni sem kemst á listann.