Stjarnan sigraði í öllum flokkum á Íslandsmótinu í hópfimleikum!
Íslandsmótið í hópfimleikum fór fram í dag, föstudaginn 11. apríl, í Fimleikahúsinu á Akranesi. Mótið var glæsilegt í alla staði og mættu bestu lið landsins til keppni. Fjöldi áhorfenda lét sjá sig og skapaðist frábær stemning í húsinu.
Lið Stjörnunnar komu, sáu og sigruðu – og tóku gullið í öllum flokkum. Þetta er í sjöunda sinn í röð sem kvennalið Stjörnunnar vinnur Íslandsmeistaratitilinn. Keppnin í kvennaflokki var afar jöfn og spennandi til loka. Stjarnan sigraði með 51.950 stig, aðeins 0.05 stigum á undan Gerplu, sem hafnaði í öðru sæti. Selfoss endaði í þriðja sæti. Stjarnan sigraði einnig á gólfi og trampólínu en Gerpla hafði betur á dýnu.
Í flokki blandaðra liða hafði Stjarnan betur gegn ÍA og sigraði með 47.750 stig. Karlalið Stjörnunnar tryggði sér einnig Íslandsmeistaratitilinn með 46.200 stig.
Kvennaflokkur
- 1. sæti: Stjarnan – 51.950 stig
- 2. sæti: Gerpla – 51.900 stig
- 3. sæti: Selfoss – 47.900 stig
Karlaflokkur
- 1. sæti: Stjarnan – 46.200 stig
Flokkur blandaðra liða
- 1. sæti: Stjarnan – 47.750 stig
- 2. sæti: ÍA – 31.700 stig
👉Úrslit mótsins má finna hér
🔥 Íslandsmótið í tölum 🔥
🏆 4 dagar af spennu og keppnisanda
🏅 14 félög mætast í baráttunni
💥 65 lið berjast um sigurinn
⚡ 610 keppendur!
📸 Myndir frá mótinu verða birtar hér
Við óskum öllum keppendum innilega til hamingju með frammistöðuna og þökkum Fimleikafélagi Akraness fyrir vel heppnað mót.
