Íslandsmót í hópfimleikum fór fram í Stjörnunni um helgina. Mótið var sýnt beint á RÚV og stúkan var stútfull af stuðningsmönnum allra liða.
Í meistaraflokki kvenna var hörð og skemmtileg keppni milli Gerplu og Stjörnunnar og stóð lið Stjörnunnar uppi sem sigurvegari í 5. skipti í röð. Liðið fékk 52.750 stig, í 2.sæti varð lið Gerplu með 51.000 stig og í því þriðja lið Selfoss með 44.850 stig.
Stjarnan varð einnig Íslandsmeistari í gólfæfingum og dýnustökki og lið Gerplu varð Íslandsmeistari á trampólíni.
Íslandsmeistarar í kvennaliði Stjörnunnar
Lið Gerplu
Lið Selfoss
Í karlaflokki sigraði lið Stjörnunnar með 49.250 stig og liðið varð einnig Íslandsmeistari á öllum þremur áhöldunum.
Í flokki blandaðra liða sigraði Höttur með einkunnina 40.275 stig og varð einnig Íslandsmeistari á öllum áhöldum.
Mótið var sýnt í beinni útsendingu á RÚV og var það okkar fremsta sjónvarpsfólk Hlín Bjarnadóttir og Guðmundur Þór Brynjólfsson sem stóðu vaktina fyrir RÚV og lýstu mótinu með glæsibrag.
Úrslit mótsins í öllum flokkum má nálgast hér.
Fimleikasamband Íslands óskar keppendum, þjálfurum og félögum innilega til hamingju með árangurinn. Þökkum við Stjörnunni fyrir glæsilegt mótahald.
