Íslandsmót í hópfimleikum fór fram í umsjón fimleikadeildar ÍA á Akranesi um helgina. Mætt til leiks var allt flottasta hópfimleikafólk landsins og spennan rafmögnuð á Skaganum.
Í kvennaflokki varði kvennalið Stjörnunnar titilinn og var þetta í áttunda skipti í röð sem Stjarnan hampar titlinum. Stjarnan og Gerpla hafa lengi verið í harði keppni um fyrsta sætið en það var einmitt Gerpla sem vann Bikarmót í mars síðastliðnum. Stjörnukonur mættu einbeittar til leiks og höfðu betur bæði á gólfi og dýnu en Gerplukonur urðu efstar á trampólíninu.
Úrstlit í kvennaflokki:
Stjarnan 53.550 stig
Gerpla 52.150 stig
Selfoss 48.450 stig
Í blönduðum flokki var lið Aftureldingar mætt í fyrsta skipti með lið í meistaraflokki og óskum við þeim til hamingju með þann árangur. Afturelding fékk samtals 36.600 stig.
Í karlaflokki var lið Stjörnunnar mætt til leiks og framkvæmdu þeir stökk á heimsmælikvarða. Stjarnan fékk samtals 47.650 stig.
Við óskum félögunum til hamingju með titlana og þökkum ÍA fyrir frábært mótahald.