Lilja Katrín Gunnarsdóttir, Hildur Maja Guðmundsdóttir og Thelma Aðalsteinsdóttir eru komnar til Kaíró í Egyptalandi eftir langt ferðalag þar sem þær keppa á Apparatus World Cup næstu daga. Þær tóku létta æfingu í æfingasalnum í gær og podiumæfingu í keppnissalnum í dag, þar sem markmiðið var að kynnast áhöldunum og fínpússa æfingarnar fyrir undankeppnina.
Með þeim í för eru Þorgeir Ívarsson landsliðsþjálfari, Agnes Suto fararstjóri/media, auk Sæunnar Viggósdóttur alþjóðlegum dómara.
Stelpurnar stóðu sig vel í dag, fóru í gegnum keppnisæfingarnar sínar og löguðu það sem þurfti að fínpússa. Stemningin í hópnum er góð og verður spennandi að fylgjast með þessum frábæru fimleikakonum á stóra sviðinu næstu daga.
Á morgun hefja þær Thelma og Lilja Katrín keppni á tvíslá. Á laugardag keppa síðan Lilja Katrín og Thelma á gólfi og að lokum þær Hildur Maja og Thelma á slá.
Úrslitin verða sýnd í beinni útsendingu og við munum gera okkar besta til að sýna einnig frá undankeppninni á samfélagsmiðlum sambandsins: Icelandic_Gymnastics á Instagram og Fimleikasamband Íslands á Facebook.
Dagskrá
Föstudagurinn 3. apríl
Kl. 14:00 á íslenskum tíma
- Thelma og Lilja Katrín keppa á tvíslá
Laugardagurinn 4. apríl
Kl. 14:00 á íslenskum tíma
- Thelma og Lilja Katrín keppa á gólfi
Kl 14:40 á íslenskum tíma
- Hildur Maja og Thelma keppa á gólfi
Sunnudagurinn 5. apríl og mánudagurinn 6. apríl – úrslit
World Gymnastics hefur gert samning við Elevien, þar sem myndbönd og einkunnir frá keppni verður deilt eftir mótið.
Bein úrslit!
Hér má fylgjast með úrslitunum!
Hér er linkur á myndir frá mótinu.
Fimleikasamband Íslands óskar þeim Lilju Katrínu, Hildi Maju og Thelmu góðs gengis í Kaíró, Egyptalandi.
Áfram Ísland!
