Select Page

09/08/2022

Podium æfing

EM Podium æfing

Kvennalandslið Íslands í áhaldafimleikum hefur nú lokið podium æfingu á Evrópumótinu í Munich í Þýskalandi. Á podium æfingu fá keppendur að gera allar sína æfingar í keppnishöllinni, þar sem keyrslan er alveg eins og á mótinu sjálfu. Á morgun, miðvikudag mun svo Ragnheiður Jenný Jóhannsdóttir landsliðsstúlka keyra sína podium æfingu.

Mótið í ár er fjölgreina mót og keppt verður um Evrópumeistraratitla í níu íþróttagreinum. Fyrir 50 árum fóru fram sumarólympíuleikar á þessu sama svæði og er því miklu tjaldað til og þykir umgjörð mótsins hin glæsilegasta. Áhaldafimleikamótið fer fram í Olympiahalle líkt og fyrir 50 árum síðan, en höllin er skemmtilega upp sett og mikil spenna í hópnum að fá að stíga á svið á fimmtudaginn í liðakeppni og fjölþrautarúrslitum.

Á föstudaginn keppir Ragnheiður Jenný í einstaklingskeppni í unglingaflokki.

Samfélagsmiðlar og myndir

Hér má sjá myndir frá podium æfingunni.

Við hvetjum ykkur til að fylgjast með Fimleikasambandinu á Facebook og Instagram, þar sem sýnt er frá íslensku keppendunum í Instagram Story og Facebook Story.

Einnig mælum við með að fylgjast með myllumerkinu #munich2022.

RÚV útsending

Við minnum á RÚV útsendingarnar og vekjum athygli á því að íslenska kvennaliðið keppir í Sub 3 á fimmtudaginn og verður sá hluti mótsins sýndur í beinni á RÚV.

EM 2022 dagskrá

Við óskum keppendum góðs gengis á þessu skemmtilega móti!

Minnum á fleiri myndir á myndasíðunni.

Fleiri fréttir

Félagaskipti haustið 2022

Félagaskipti haustið 2022

Frestur til að sækja um félagaskipti rann út 15. september síðastliðinn. 30 keppendur frá 9 félögum sóttu um félagaskipti og fengu félagskipti sín...

Stúlknalið tók bronsið!

Stúlknalið tók bronsið!

Unglingalandslið Íslands stóðu sig með glæsibrag í úrslitunum á EM í hópfimleikum í dag. Stúlknalandslið gerði sér lítið fyrir og enduðu í 3. sæti!...