Landsliðsþjálfari karla, Róbert Kristmannsson, hefur valið landslið Íslands fyrir fyrstu tvö mótin í Apparatus World Cup mótaröðinni. Mótaröðin byrjar í Cairo, Egyptalandi 15. – 18. febrúar og ferðast er þaðan til Cottbus, Þýskalandi, þar sem að keppnin fer fram helgina 24. – 25. febrúar.

Á mótaröðinni verður hægt að tryggja sér sæti á Ólympíuleikana, en tveir stigahæstu keppendurnir á hverju áhaldi, eftir mótaröðina, tryggja sér gullna miða.

Landslið Íslands er:

• Dagur Kári Ólafsson – Gerpla
• Jón Sigurður Gunnarsson – Ármann
• Valgarð Reinhardsson – Gerpla

Fimleikasamband Íslands óskar keppendum, þjálfurum og félögum innilega til hamingju með landsliðssætið.

Landsliðsþjálfarar áskila sér rétt til breytinga.