Select Page

30/04/2022

Íslandsmóti í hópfimleikum lokið

Íslandsmótinu í hópfimleikum var að ljúka rétt í þessu og mikil gleði var á mótsstað. RÚV sýndi frá mótinu í beinni, en mótið var haldið í íþróttahúsinu Iðu á Seflossi.

Í kvennaflokki var það lið Stjörnunnar sem vann með yfirburðum og varði íslandsmeistaratitilinn. Liðið átti góðan keppnisdag, sigriði á öllum áhöldum og fékk 52.360 stig samanlagt. Í öðru sæti var lið Gerplu með 44.795 stig, í því þriðja var lið ÍA með 41.645 stig.

Karlalið stjörnunnar sýndi áhorfendum hvað í þeim býr og urðu þeir íslandsmeistarar í karlaflokki með 53.095 stig.

Blandað lið Selfoss varð íslandsmeistari í flokki blandaðra liða með 33.345 stig.

Úrslitin má sjá hér.

Fleiri myndir munu svo birtast á myndasíðu FSÍ.

Gerpla íslandsmeistari í 1. flokki kvenna og 1. flokki blandaðra liða

Lið Gerplu sigraði í 1. flokki kvenna með 46.495 stig, Stjarnan lenti í 2. sæti með 44.140 stig og FIMAK í 3. sæti með 41.645 stig. Fimm kvennalið tóku þátt í 1. flokki; Gerpla, Stjarnan, FIMAK, Keflavík og Fjölnir.

Blandað lið Gerplu varð íslandsmeistari í 1. flokki blandaðra liða með 43.660 stig og Höttur í 2. sæti með 40.495 stig.

1. flokkur kvk

Deildameistarar

Gefin voru verðlaun fyrir deildameistara á árinu.

Deildameistarar í meistarflokki eru

  • Karlalið Stjörnunnar
  • Kvennalið Gerplu
  • Blandað lið Selfoss

Deildameistarar í 1. flokki eru:

  • Kvennalið Gerplu
  • Blandað lið Gerplu

Við þökkum Fimleikadeild Selfoss fyrir gott mót og óskum keppendum til hamingju með árangurinn.

Fleiri fréttir

Æfingabúðir í Keflavík

Æfingabúðir í Keflavík

Um liðna helgina stóð Fimleikasamband Íslands fyrir æfingabúðum í áhaldafimleikum kvenna. Ferenc Kováts stýrði æfingunum með aðstoð félagsþjálfara...

Valgarð með tvö silfur

Valgarð með tvö silfur

Karlalandslið Íslands hefur lokið keppni á Norður Evrópumótinu í Finnlandi. Eftir frábæran árangur gærdagsins þar sem landsliðið hafnaði í þriðja...