Select Page

Valgarð Reinhardsson úr Gerplu vann öruggan sigur á Íslandsmeistaramótinu í áhaldafimleikum í dag, titilinn er jafntframt sá sjöundi hjá Valgarði. Thelma Aðalsteinsdóttir átti titil að verja frá því í fyrra, Thelma kom sá og sigraði í fjölþraut kvenna í dag og hefur því landað titlinum tvö ár í röð.

Mótið var í umsjá Fimleikadeildar Fjölnis og var allt hið glæsilegasta, fjölþrautarkeppnin fór fram í dag og á morgun verður keppt til úrslita á einstökum áhöldum.

Baráttan í kvennaflokki var hörð en að lokum var það eins og fyrr segir Thelma sem bar sigur úr býtum, með 48.400 stig. Jafnar í öðru sæti voru þær Margrét Lea Kristinsdóttir úr Björk og Hildur Maja Guðmundsdóttir úr Gerplu með 47.550 stig.

Valgarð sigraði með 77.065 stig, Martin Bjarni Guðmundsson, Gerplu nældi sér í silfur með 74.565 stig. Rétt á eftir honum í þriðja sæti var það Atli Snær Valgeirsson úr Gerplu, með 74.231 stig.

Hér má sjá öll úrslit dagsins.

Myndir frá Íslandsmóti.

Íslandsmeistarar unglinga

Unglingafokkur karla

  • 1. sæti – Lúkas Ari Ragnarsson, Björk – 68.299 stig
  • 2. sæti – Stefán Máni Kárason, Björk – 64.065 stig
  • 3. sæti – Ari Freyr Kristinssson, Björk – 62.164 stig

Unglingaflokkur kvenna

  • 1. sæti – Lilja Katrín Gunnarsdóttir, Gerplu – 47.950 stig
  • 2. sæti – Kristjana Ósk Ólafsdóttir, Gerplu – 44.950 stig
  • 3. sæti – Rakel Sara Pétursdóttir, Gerplu – 44.650 stig
Íslandsmeistarar Unglinga

Úrslit á einstökum áhöldum

Á morgun fara fram úrslit á einstökum áhöldum, þar sem fimm stigahæstu keppendur á hverju áhaldi berjast um Íslandsmeistaratitilinn á áhaldinu. Keppnin hefst kl. 15:20 og hvetjum við alla til að mæta í Egilshöll og sýna okkar fólki stuðning. Mótið er einnig sýnt í beinni útsendingu á RÚV og hefst útsendingin kl. 16:00.

Fimleikasamband Íslands óskar keppendum, þjálfurum og félögum innilega til hamingju með daginn

Íslandsmeistarar 2023