Fyrsta æfing í hæfileikamótun drengja og stúlkna í hópfimleikum 2022 fór fram laugardaginn 15. október á Akranesi, við mikla gleði þátttakenda.
Þjálfarar í hæfileikamótun út árið eru hluti af þeim þjálfarateymum sem fóru með keppendur í unglingaflokk á EM 2022. Það eru þau Alexander Sigurðsson, Aníta Tryggvadóttir og Eysteinn Máni Oddsson.
Æfingin var í boði fyrir iðkendur fædda 2007-2010, en 53 einstaklingar voru skráðir á æfinguna. Félagsþjálfarar voru beðnir um að fylgja iðkendum á æfingarnar, en æfingin var einnig miðuð að því að gefa þjálfurum tæki og tól til að nýta sér í sínu félagi.
Mikil ánægja var með æfinguna og stefnt er að því að hafa aðra æfingu síðar á árinu.
Hægt er að sjá myndir hér að neðan frá æfingunni:
Framtíðin er björt!