Síðastliðinn föstudag, þann 12. mars, fór formannafundur fram í fundarsal ÍSÍ. Það var afar ánægjulegt að hittast loksins í persónu eftir að hafa hitt fulltrúa félaganna nær eingöngu á rafrænum fundum síðastliðið ár.
Mæting var góð og voru formenn- og framkvæmdastjórar flestra félaganna mættir ásamt nokkrum formönnum úr tækni- og fastanefndum FSÍ.
Sólveig Jónsdóttir, framkvæmdastjóri FSÍ, opnaði fundinn og fór í gegnum stefnumótunarvinnu sambandsins. Það hefur verið ráðist í mörg stór verkefni undanfarið ár og skrifstofan staðið í miklum úrbótaverkefnum. Á fundinum var einnig farið í gegnum brottfallsgreiningu, vinnuhópa sem eru í gangi varðandi afreksmál og nýtt fræðslukerfi, landsliðsverkefni í áhalda- og hópfimleikum og var ný nefnd um Fimleika fyrir alla kynnt og komandi verkefni nefndarinnar.
Fyrir áhugasama þá eru myndir fundarins hér.