Select Page

28/05/2022

Bikarmeistarar í áhaldafimleikum

Níu kvennalið og fjögur karlalið mættu til keppni á Bikarmót í áhaldafimleikum sem fram fór í Íþróttahúsi Gerplu í dag. Fjöldi fólks mætti í stúkuna og hvatti áfram okkar besta fimleikafólk. Í dag var keppt í liðakeppni í frjálsum æfingum karla og kvenna og voru keppendur yfir 70 talsins.

Hörð keppni var um bikarmeistaratitilinn í kvennakeppni í ár en alls voru níu lið mætt til leiks, frá sjö félögum. Gerpla A bar sigur á hólmi með 135.999 stig. Annað sætið hlaut lið Bjarkanna með 131.799 stig. Lið Gróttu hreppti þriðja sætið með 127.665 stig.

Í karlaflokki var það Gerpla 1 sem varði bikarmeistaratitilinn frá því í fyrra með 228.961 stig. Þar að auki hlutu þeir flest stig á öllum á áhöldum. Annað sætið hlaut Gerpla A með 197.928 stig. Karlalið Bjarkanna hafnaði í þriðja sæti með 190.928 stig.

Bikarmeistarar í kvennaflokki – Gerpla 1

  • Agnes Suto
  • Dagný Björt Axelsdóttir
  • Hildur Maja Guðmundsdóttir
  • Kristjana Ósk Ólafsdóttir
  • Thelma Aðalsteinsdóttir

Bikarmeistarar í karlaflokki – Gerpla 1

  • Atli Snær Valgeirsson
  • Dagur Kári Ólafsson
  • Jónas Ingi Þórisson
  • Martin Bjarni Guðmundsson
  • Valgarð Reinhardsson
Bikarmeistarar í áhaldafimleikum

Myndir frá Bikarmótinu munu birtast á myndasíðu sambandsins.

Úrslit mótsins má sjá hér.


Við óskum öllum keppendum og þjálfurum til hamingju með árangurinn

Fleiri fréttir

Æfingabúðir í Keflavík

Æfingabúðir í Keflavík

Um liðna helgina stóð Fimleikasamband Íslands fyrir æfingabúðum í áhaldafimleikum kvenna. Ferenc Kováts stýrði æfingunum með aðstoð félagsþjálfara...

Valgarð með tvö silfur

Valgarð með tvö silfur

Karlalandslið Íslands hefur lokið keppni á Norður Evrópumótinu í Finnlandi. Eftir frábæran árangur gærdagsins þar sem landsliðið hafnaði í þriðja...