Íslandsmótið í hópfimleikum fer fram 14. – 17. maí næstkomandi í fimleikasal ÍA á Akranesi og markar einn af hápunktum vetrarins í íslenskum hópfimleikum.

Ríkjandi Íslandsmeistarar í kvenna- og karlaflokki eru skráðir til keppni

Fremstu hópfimleikalið landsins mæta til keppni í hverjum flokki fyrir sig. Ríkjandi Íslandsmeistarar kvenna og karla í Stjörnunni mæta til leiks en að þessu sinn er Stjarnan ekki með blandað lið sem sigraði í fyrra. Skráð til keppni í kvennaflokki eru einnig Gerpla, ríkjandi Bikarmeistarar síðan í mars, Selfoss og ÍA. Í blönduðum flokki er það lið Aftureldingar sem teflir í fyrsta sinn fram liði í fullorðinsflokki.

Kvennalið Stjörnunnar sem varð í öðru sæti á Norðurlandamóti í nóvember síðast liðnum á harma að hefna frá Bikarmótinu í mars og er það alveg klárt mál að það verður hörð og spennandi keppni í kvennaflokki.

Þéttpökkuð dagskrá alla helgina

Að auki verður keppt í 1., 2., 3. flokki og KKE sem og í stökkfimi sömu helgi, einnig á Akranesi. Skipulagið í heild sinni má finna á heimasíðu sambandsins.

👉 Skipulag keppninnar má finna hér.

Miðasala fer fram í Stubb appinu: https://stubb.is/fimleikafelagia/tickets

Keppni í beinni á RÚV

RÚV mun sýna beint frá keppni í fullorðinsflokki:

• Sunnudaginn 17. maí kl. 16:00 – keppni í fullorðinsflokki

Fimleikasamband Íslands óskar keppendum góðs gengis og áhorfendum góðrar skemmtunar!

📸 Myndir frá mótinu verða birtar hér.

Hér er svo hlekkur á bein úrslit.