Um liðna helgina stóð Fimleikasamband Íslands fyrir æfingabúðum í áhaldafimleikum kvenna. Ferenc Kováts stýrði æfingunum með aðstoð félagsþjálfara iðkenda. Sjö konur úr, þremur félögum tóku þátt en allar áttu þær það sameiginlegt að hafa tekið þátt í úrtökuferli fyrir Norður Evrópumótið.
Æfingabúðirnar fóru fram í Keflavík en voru þær saman settar úr þremur æfingum. Æfingarnar voru allar með mismunandi áherslur en á laugardeginum var áhersla á grunnæfingar og sunnudagurinn var nýttur í að æfa flugmóment á tvíslá, keppnisstökk í mjúkt og D æfingar á fíbergólfi.
Þær sem tóku þátt í æfingabúðunum að þessu sinni voru:
- Thelma Aðalsteinsdóttir
- Hildur Maja Guðmundsdóttir
- Dagný Björt Axelsdóttir
- Lilja Katrín Gunnarsdóttir
- Lovísa Anna Jóhannsdóttir
- Freyja Hannesdóttir
- Svanhildur Nielsen
Æfingabúðirnar voru einnig frábært vettvangur fyrir stelpurnar til þess að kynnast enn betur, þétta hópinn og eiga notalegar stundir saman.
Á Instagramsíðu Fimleikasambands Íslands (Reels) má sjá smá brot af æfingu hjá stelpunum, á þeirri æfingu var áherslan á grunnæfingar, svo sem hringi í handsstöður á tvíslá, undirbúningsæfingar á stökki og hopp á slá.
