Þau Hlín Bjarnadóttir, Hróbjartur Pálmar Hilmarsson, Sigurður Hrafn Pétursson og Sæunn Viggósdóttir stóðu vaktina í dómarasætunum fyrir Íslandshönd á Evrópumótinu í áhaldafimleikum sem lauk í gær.
Íslensku dómararnir dæmdu í öllum hlutum mótsins, undankeppni og úrslitum. Samkvæmt Hlín Bjarnadóttur þá voru dómararnir ánægðir með mótið í heild sinni og ferðast þau heim í dag, reynslunni ríkari.
Hlín var reynslubolti ferðarinnar en dæmdi hún sitt ellefta Evrópumót, Sigurður og Sæunn dæmdu sitt þriðja og var Evrópumótið frumraun Hróbjarts sem dómari á stórmóti. Fimleikasambandið þakkar þeim fyrir vel unnin störf á Evrópumótinu í Tyrklandi.
Úrslit mótsins má finna hér.
Myndir frá Evrópumótinu.
Fimleikasamband Íslands þakkar öllum sem komu að Evrópumótinu fyrir þeirra framlag í þágu íslenskra fimleika.
Áfram Ísland!
