Keppni í hópfimleikum
Keppni í hópfimleikum er mjög áhorfendavæn þar sem mikil og góð stemning skapast á meðal áhorfenda sem og keppendanna sjálfra. Þrátt fyrir harða keppni má alltaf gera ráð fyrir góðum anda hjá keppendum og góðu og skemmtilegu andrúmslofti í keppnishöllinni.
Meistaraflokkur og 1.flokkur
Keppt er í meistaraflokki og 1.flokki. Innan hvors flokks er keppt í kvennaflokki, karlaflokki og flokki blandraðra liða. Keppt er eftir reglum Evrópska fimleikasambandsins.
Keppendur í meistaraflokki eru 16 ára og eldri en í 1.flokki 13-17 ára.
Hér má sjá keppnisreglur og undanþágur.
2. flokkur, 3.flokkur og KK-eldri
Í 2. og 3.flokki er keppt í stúlknaflokki og flokki blandaðra liða. Sé einn einstaklingur í liðinu af öðru kyni keppir liðið í blönduðum flokki. Á fyrsta móti að hausti raðast lið niður á deildir, A B eða C eftir árangri á mótinu. Í hverju liði eru 6-15 einstaklingar í 2. og 3. flokki og 4-15 í KK eldri. Að lágmarki keppa 6 einstaklingar á hverju áhaldi og að hámarki 15, en það þurfa ekki að vera sömu 15 á öllum áhöldum. Keppt er eftir reglum Evrópska fimleikasambandsins með undanþágum.
Keppendur í 2.flokki eru á aldrinum 14-15 ára, 3.flokki 12-13 ára og KK-eldri 12-15 ára.
4.flokkur og KK-yngri
Í 4. flokki er keppt í stúlknaflokki og flokki blandaðra liða. Sé einn einstaklingur í liðinu af öðru kyni keppir liðið í blönduðum flokki. Í hverju liði eru 4-15 einstaklingar. Að lágmarki keppa 4 einstaklingar á hverju áhaldi og að hámarki 15, en það þurfa ekki að vera sömu einstaklingar á öllum áhöldum. Á dýnu og trampólíni eru gerðar þrjár umferðir, að lágmarki 4 liðsmenn þurfa að gera hverja umferð. Keppt er eftir reglum Evrópska fimleikasambandsins með undanþágum.
Keppendur í 4.flokki eru á aldrinum 10-11 ára, KK-yngri 9-12 ára.
Hér má sjá keppnisreglur og undanþágur.
5.flokkur
Í 5. flokki keppa allir í sama flokki og því engin kynjaskipting. Í hverju liði eru 4-15 einstaklingar. Að lágmarki keppa 4 einstaklingar á hverju áhaldi og að hámarki 15, en það þurfa ekki að vera sömu 15 á öllum áhöldum. Á dýnu og trampólíni eru gerðar þrjár umferðir, að lágmarki 4 liðsmenn þurfa að gera hverja umferð. Keppt er eftir reglum Evrópska fimleikasambandsins með undanþágum.
Keppendur í 5.flokki eru 9 ára.
Hér má sjá keppnisreglur og undanþágur.