Hæfileikamótun stúlkna

Hæfileikamótun felur í sér það að öll félög á landinu hafa jafnan möguleika á að senda iðkendur á ákveðnum aldri og getustigi á æfingar sem skipulagðar eru af þjálfurum í hæfileikamótun. Við hjá Fimleikasambandinu leggjum okkur fram við að ráða þá þjálfara sem við teljum að séu hæfastir til að undirbúa þátttakendur í hæfileikamótun sem best og sjá til þess að það fái sem besta þjálfun.

Í ár mun megináherslan vera á líkamlegan undirbúning. Þar sem farið verður í gegnum helstu grunnæfingar í fimleikum sem og styrk. Félögin sem eiga ekki iðkendur á þessum aldri eða getustigi fá tækifæri til að senda þjálfara ef sá þjálfari hefur áhuga á því að koma og fylgjast með.

Uppsetning verkefnisins í ár verður með svipuðu sniði og síðastliðið ár. Niðurstöður könnunar sem sem send var á þá þjálfara sem tóku þátt í verkefninu í fyrra leiddi í ljós að það var almennt mikil ánægja með verkefnið og óskuðu þjálfarar eftir því að æfingar í ár yrðu fleiri en í fyrra. Við höfum því aukið æfingafjölda um tvær æfingar yfir árið, fjöldi æfinga í hæfileikamótun stúlkna verða því sex fimleikaæfingar og stefnir sambandið á að flétta inn fræðslu fyrir iðkendur sem mun nýtast í þeirra þjálfun.

Með þessu verkefni erum við að stuðla að bættri grunnþjálfun í áhaldafimleikum. Markmiðið er einnig að gefa stúlkum á fyrirfram ákveðnum aldri og eru á svipuðu getustigi tækifæri á því að kynnast og mæta á fimleikaæfingar sem samherjar en ekki mótherjar. Þetta er einnig vettvangur fyrir þjálfara úr mismunandi félögum að hittast og möguleiki á samstarfi og samvinnu þeirra á milli.

Æfingaáætlun fyrir árið 2023 (birt með fyrirvara á breytingar)

Æfing 1

• 14. maí, Gerpla kl. 14:00- 17:00
• Stutt fræðsla fyrir iðkendur og foreldra í beinu framhaldi af æfingunni.

Æfing 2

• 8. eða 9. júní, staðsetning óstaðfest.
• Iðkendum boðið upp á að kynnast landsliðskonum. Opnað verður á spurningar og myndatökur.

Æfingar 3-4

• Æfingahelgi í lok ágúst/byrjun septmber

Æfingar 5-6

• Æfingahelgi í lok nóvember/byrjun desember

Nánari dagsetningar og tímasetningar verða sendar á þátttakendur þegar nær dregur. 

Hæfileikamótun drengja

Róbert Kristmannsson var fyrstur til að mynda hóp í Hæfileikamótun drengja í áhaldafimleikum, árið 2021 tók Alek Ramezanpour við og hann mun halda verkefninu áfram.  Áhersla er lögð á samvinnu félaga, þjálfara og að skapa vettvang fyrir iðkendur til að æfa saman, læra af hverjum öðrum og kynnast sem samherjar en ekki mótherjar.

Skráning í hæfileikamótun drengja er hafin. Hér geta félagsþjálfarar skráð sína iðkendur.

Hér má lesa blað sent á félögin þann 22. júní, 2023
Hæfileikamótun drengja – Upplýsingablað 2023

Æfingaáætlun fyrir árið 2023 (birt með fyrirvara á breytingar)

Æfing 1

• 12. ágúst kl. 09:00 – 12:00
• Fylkir

Æfing 2

• Æfing í lok september/byrjun október

Æfing 3

• Æfing í lok október/byrjun nóvember

Æfing 4

• Æfing í lok nóvember/byrjun desember

Nánari dagsetningar og tímasetningar verða sendar á þátttakendur þegar nær dregur.