Hér má sjá auglýsingar um fyrirhuguð námskeið Fræðslunefndar FSÍ í Janúar 2015. ( auglýsingar einnig í viðhengjum neðst á síðunni )

 

 

Þjálfaranámskeið FSÍ – sérgreinahluti 1B

 Helgina 10. – 11. janúar verður haldið þjálfaranámskeið FSÍ sérgreinahluti 1B á höfuðborgarsvæðinu. Námskeiðið er 20 kennslustundir og ætlað þeim þjálfurum sem hafa lokið sérgreinahluta 1A í fimleikum.

 Í bóklegum hlutum er kennd þjálffræði, líkamsbeiting og móttaka, fimleikasýningar og samskipti þjálfara.

 Í verklegum hlutum fara allir þátttakendur í vinnubúðir í líkamsbeitingu og móttöku á ýmsum áhöldum. Þátttakendur hafa svo val á tveimur verklegum hlutum:

  1. grunnþættir í kóreógrafíu fimleika, tónlist, hreyfing og grunnæfingar

  2. grunnæfingar í áhaldafimleikum karla, bogahestur, hringir og tvíslá

Skráning fer fram hjá Sviðsstjóra fræðslu- og mótamála á netfangið:  This email address is being protected from spambots. You need JavaScript enabled to view it. fyrir 22. desember og mikilvægt að tilkynnt sem um val a) eða b) í verklegum hluta. Með skráningu skal fylgja: Nafn, kennitala og nafn greiðenda.

Lágmarksfjöldi á námskeið er 18.

Námskeiðsgjald er 14.500 kr og verður sendur reikningur frá skrifstofu FSÍ um leið og skráningu lýkur.

 

 

 

 

 

 

 

Þjálfaranámskeið FSÍ - sérgreinahluti 2A

 

 

Helgina 17. -18. janúar verður haldið þjálfaranámskeið FSÍ sérgreinahluti 2A á höfuðborgarsvæðinu. Námskeiðið er 20 kennslustundir og ætlað þeim fimleikaþjálfurum sem hafa lokið öllum sérgreinahlutum FSÍ á stigi 1.

 

Í bóklegum hlutum er kennd aflfræði í fimleikum, þrekþjálfun og teygjur.

  

Í verklegum hlutum eru kenndar æfingar framhaldshópa í upphitun, þrek, teygjur, gólfæfingar t.d. heljarstökk og snúningar. Þátttakendur hafa val um að taka a) áhaldafimleika, æfingar á tvíslá og stökki, b) hópfimleikar, æfingar á litlu trampólíni með og án stökkhests.

 

Skráning fer fram hjá Sviðsstjóra fræðslu- og mótamála á netfangið: This email address is being protected from spambots. You need JavaScript enabled to view it.  fyrir 27. Desember. Með skráningu þarf að berst: Nafn, kennitala og nafn greiðenda. Lágmarks þátttaka á námskeiðið er 18 manns.

 

Námskeiðsgjald er 16.500 kr og verður sendur reikningur frá skrifstofu um leið og skráningu líkur.

 

 

 

 Kóreógrafía í fimleikum

 

Helgina 3. - 4. janúar verður haldið þjálfaranámskeið í kóreógrafíu í fimleikum. Námskeiðið er 20 kennslustundir og fer fram í Reykjavík. Fjallað verður um kóreógrafíu í fimleikum, kennd helstu hopp, stökk og snúningar sem gerðir eru í millierfiðum og erfiðum keppnisæfingum. Kennsla í undirstöðuæfingum balletts sem nýta má í fimleikum.

 

Kennd verður uppbygging kóreógrafíu í sláar- og gólfæfingum í áhaldafimleikum og í gólfæfingum hópfimleika og geta þátttakendur valið í hvorum hlutanum þeir taka þátt.

 

Meðal kennara eru Berglind Pétursdóttir, Elva Rut Guðlaugsdóttir, Hlín Bjarnadóttir, Hrafnhildur Gunnarsdóttir og Steinunn Ketilsdóttir.

 

Skráning fer fram hjá Sviðsstjóra fræðslu- og mótamála á netfangið This email address is being protected from spambots. You need JavaScript enabled to view it.  fyrir þann 22. Desember. Skráningu þarf að fylgja: Nafn, kennitala og nafn greiðenda. Lágmarksfjöldi á námskeið er 18 manns.

 

Námskeiðsgjald er 17.500 kr og verður sendur reikningur frá skrifstofu FSÍ um leið og skráningu lýkur.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Þjálfaranámskeið 18. desember 2014

 

 

 

Áhaldafimleikar - vinnubúðir með Gerrit Beltman

 

 

 

Fimmtudagskvöldið 18. desember verður haldið námskeið og vinnubúðir á Höfuðborgarsvæðinu ætlaðar þjálfurum í áhaldafimleikum karla og kvenna. Kennari er Gerrit Beltman frá Hollandi og hefur hann m.a. þjálfað landslið Hollands og Belgíu, kennt Toppþjálfaranámskeiði FSÍ og var með vinnubúðir í æfingum á rám í ágúst sl. Gerrit er hérlendis vikuna 17. – 21. desember til að stýra æfingabúðum úrvalshópa FSÍ í áhaldafimleikum kvenna í tengslum við verkefnið Tokyo 2020.

 

 

 

Kenndar verða æfingar á gólfi þar sem áhersla er á tækni í araba flikk heljarstökki með beinum líkama sem leiðir til árangurs í erfiðari æfingum. Einnig farið á afstökk á tvíslá kvenna/svifrá karla heljarstökk með beinum líkama úr sveiflum (frh., frá 14. ágúst).

 

 

 

Námskeiðið er frá kl. 19:00 – 21:00/:30,  staðsetning námskeiðsins verður kynnt á næstu dögum.

 

Skráning hjá skrifstofu FSÍ This email address is being protected from spambots. You need JavaScript enabled to view it.  þann 11.12. þátttökugjald er  3000– kr. Skráning er bindandi og þarf að skila inn: Nafni, kennitölu og nafni greiðenda.

 

 

 

Vinnuhópur FSÍ Tokyo 2020

 

Fræðslunefnd FSÍ

 

 

 

 

Fræðslunefnd Fimleikasambands Íslands kynnir:

 

 

Fræðslukvöld um mótahald í fimleikum og nýtt tölvukerfi á mótum FSÍ verður haldið miðvikudaginn 19. nóvember kl 20:00 – 21:30 í húsnæði ÍSÍ. Sal E á 3. hæð.

 

Fræðslan er ætluð stjórnarfólki  fimleikafélaga og -deilda og áhugafólki um mótahald í fimleikum.

 

Hlín Bjarnadóttir mun fjalla um undirbúning, framkvæmd og starfsfólk á fimleikamótum, Íris Svavarsdóttir fjallar um skráningar á mót FSÍ og Kristinn Arason kynnir nýtt tölvukerfi á mótum FSÍ.

 

 

 

Við hvetjum alla sem hafa áhuga á að mæta.

 

 

 

Skráning fer fram á netfangið: This email address is being protected from spambots. You need JavaScript enabled to view it. og lýkur mánudaginn 17. nóvember

 

 

 

 

 

 

 

Í viðhengi má finna skipulag fyrir Haustmót 2 sem fram fer í Gerplu um helgina. Á mótinu er keppt í 3., 2., 1., þrepi og frjálsum æfingum.

Miðvikudaginn 5. nóvember verður opinn hádegisfundur í E-sal Íþróttamiðstöðvarinnar í Laugardal og hefst hann kl.12:10. Þar mun Margrét Sigmarsdóttir upppeldissálfræðingur fjalla um erfið foreldrasamskipti og leiðir til að gera samskiptin árangursríkari.

Farið verður yfir gagnlegar aðferðir í virkum samskiptum, lausnaleit og tilfinningastjórnun. Sjónarhorn þjálfarans verður í brennidepli.

Þátttakan er ókeypis og öllum heimil. Skráning fer fram á This email address is being protected from spambots. You need JavaScript enabled to view it.

Að lokinni framsögu mun verða opið fyrir spurningar úr sal. 

Í meðfylgjandi viðhengjum má finna auglýsingar vegna námskeiða sem framundan eru hjá Fimleikasambandinu.


Móttökunámskeið 1 fer fram 16. nóv kl 17:00 - 22:00

Wipp-back (ítarnámskeið) fer fram 14. nóv kl 18:00 - 21:00

 

Einnig fylgir með uppfærð Fræðsludagskrá frá Fræðslunefnd.

Helgina 7 - 9 nóvember fer fram dómaranámskeið í hópfimleikum. Auglýsingu námskeiðisins má finna í viðhengi hér að neðan.

Skráningarfrestur vegna Gymnaströdu í Helsinki á næsta ári hefur verið framlengdur til 1. nóvember 2014.

Við hvetjum ykkur til þess að skrá ykkar félag þar sem um einstaka upplifun er að ræða.

Heimasíðu viðburðarins getið þið nálgast hér.

Látið þessa ferð ekki fram hjá ykkur fara.

Fimleikadeild Ármanns leitar að Aðalþjálfara Grunnhópa í 50% starf

Viðkomandi þarf helst að geta byrjað sem fyrst.

Helstu verkefni:

• Skipuleggja starf grunnhópa og útbúa stundaskrár

• Umsjón með þjálfurum og afleysingaþjálfurum

• Samskipti og þjónusta við iðkendur og forráðamenn

• Halda utanum skráningarlista grunnhópa

Hæfniskröfur:

• Íþrótta- og/eða kennaramenntun æskileg

• Framúrskarandi skipulagshæfileikar

• Góðir samskiptahæfileikar og hæfni til að vinna undir álagi

• Góð tölvukunnátta og frumkvæði í starfi

Um er að ræða 50% starf og laun samkvæmt samkomulagi.

Umsókn skal senda á Framkvæmdastjóra fimleikadeildar Ármanns, Lárus Pál Pálsson á netfangið This email address is being protected from spambots. You need JavaScript enabled to view it. merkt umsókn, umsækjendur skulu senda ferilskrá með umsókninni.

Allar nánari upplýsingar veitir Lárus Páll í síma 862 2432.

Umsóknarfrestur er til 25. október.

Síða 23 af 32