Sunnudagur, 12 Ágúst 2018 17:30

,,Við erum komin til að vera á stórmótum"

Valgarð Reinhardsson lauk rétt í þessu keppni á Evrópumótinu í Glasgow þar sem hann var fyrsti Íslendingur til að komast í úrslit á stökki og annar til að komast í úrstlit í sögu fimleika á Evrópumóti. 

Valgarð gerði tvö stökk í úrslitum, það fyrsta gekk vel en seinna stökkið náði hann því miður ekki að lenda. 

Í samtali við Valla eftir mótið sagði hann að hann væri komin til að vera og upplifunina hafa verið geðveika. ,,Þetta er allt öðruvísi en maður er vanur" sagði Valli, en á móti sem þessu fá keppendur ekki æfingu inn í keppnissal áður en áhaldið hefst. 

Við spurðum hvort að hann væri kominn til að vera svaraði hann ,,svo sannarlega" og hló. 

Framtíðin er björt, dagurinn í dag var tímamótadagur sem vonandi markar nýtt upphaf úrslita á stórmótum. 

Áfram Ísland
#TheMoment
#EC2018
#fimleikarfyriralla
#fyririsland