Mánudagur, 15 Maí 2017 13:45

Við leitum að afreksstjóra

Afreksstjóri

Fimleikasamband Íslands óskar eftir að ráða drífandi einstakling til starfa. Um er að ræða 100% starf fyrir einstakling sem hefur áhuga á að vinna á öflugum og skemmtilegum vinnustað í ögrandi og síbreytilegu umhverfi að frekari uppbyggingu fimleika á Íslandi.

Helstu verkefni

  • Umsjón með stefnumótun, markmiðasetning og aðgerðaáætlun í afreksmálum.
  • Samskipti við landsliðsþjálfara, landslið og fagteymi.
  • Dagleg umsjón með afreksmálum og landsliðum.
  • Skipulagning æfinga, bókun æfingaaðstöðu og annars sem því við kemur.
  • Skipulagning landsliðsverkefna, bókun flugs, gistingar og annars sem því við kemur.
  • Samskipti við afrekssvið ÍSÍ og umsjón með umsóknum í Afrekssjóð ÍSÍ.
  • Umsjón með skýrsluskilum til afrekssjóðs ÍSÍ.
  • Umsjón með umsóknum í aðra sjóði sem hægt er að sækja í.
  • Umsjón með mælingum og greiningu landsliðsfólks í samvinnu við fagteymi FSÍ.
  • Gerð fjárhagsáætlana og vinnsla uppgjöra landsliðsverkefna í samvinnu við fjármálastjóra.
  • Fararstjórn í landsliðsverkefnum erlendis.
  • Önnur tilfallandi verkefni.

Menntunar- og hæfniskröfur

  • Háskólanám sem nýtist í starfi.
  • Framúrskarandi samskiptahæfileikar.
  • Frumkvæði, nákvæmni og ögun í vinnubrögðum.
  • Góð færni í framsetningu upplýsinga og skýrslugerðar.
  • Geta til að vinna sjálfstætt og í hóp.
  • Góð íslensku- og enskukunnátta.
  • Þekking á fimleikum er kostur.

 

Starfshlutfall er 100% og viðkomandi þarf að geta hafið störf sem allra fyrst.

Starfsstöð er á skrifstofu FSÍ Engjavegi 6.

Umsóknarfrestur er til og með 22. maí. Umsókn skal sendast á This email address is being protected from spambots. You need JavaScript enabled to view it., fullum trúnaði heitið.

Nánari upplýsingar veitir Sólveig Jónsdóttir framkvæmdastjóri FSÍ, This email address is being protected from spambots. You need JavaScript enabled to view it.

Um Fimleikasamband Íslands

Fimleikasamband Íslands (FSÍ) fagnar á næsta ári 50 ára afmæli. Fimleikar eru í dag þriðja fjölmennasta íþróttagreinin innan ÍSÍ með um 13.000 iðkendur, af þeim eru um 70% konur sem gerir fimleika að lang fjölmennustu íþrótt kvenna innan ÍSÍ. Á skrifstofu sambandsins vinna 5 starfsmenn í fullu starfi auk 3-20 landsliðsþjálfara.